Nasikop sa kapulisan sa Gingoog City, Misamis Oriental ang 13 anyos nga suspect sa kasong rape nga wala pay 24 oras human nahitabo ang krimen kagahapong adlawa.
Kini ang gibutyag ni Gingoog City Police Station OIC, Police Lieutenant Colonel Ariel Philip Pontillas sa interview sa dxCC-RMN.
Matud ni Pontillas nga ang suspect nasikop kini pinaagi sa tabang sa katawhan sa Barangay Bakidbakid, Gingoog City ug naa na karon sa kustodiya sa Bahay Pangarap.
Gidugang ni Pontillas nga kwatro anyos nga batang babaye ang gilugos sa suspect.
Plano usab sa kapulisan uban ang mga opisyal sa Gingoog City nga susihon ang mga internet cafes / pisonet nga maoy nakitang hinungdan nga nahimo sa suspect ang krimen.
Facebook Comments
