General Santos City–Kasong frustrated murder ang atubangon sa usa ka Nelson Delos Santos, 54 anyos nga nanimuyo sa Ruby Compound, Leon Llido St. Barangay Lagao sa dihang masikop kini sa gihimong hot pursuit operation sa Police Station 3 human nga gitigbas niini ang iyahang silingan nga si Allieboy Monteprio , 36 anyos nga nanimuyo sa maong lugar alas 11:00 ang takna sa gabie.
Sumala pa ni Police Major Benhur Catcatan ang hepe sa Police Station 3 nga duna na matud pay bingkil ang nasangpit nga suspect ug bikitma dugay na nga panahon hinungdan nga giplanohan sa suspect nga tigabson ang nahisgutan biktima.
Sa karon anaa na sa luwas nga kahimtang ang biktima human nga natigbasan kini sa kamot nga bahin sa suspect.
Samtang wala man usay bisan gamay nga pagmahay nga gibati ang suspect nga si Delos Santos sa iyahang gibuhat ngadto sa ilahang silingan tungod kay dugay na matud pa kini adunay gitago-tago nga kasuko sa biktima.
Sa maong higayon matud pa nahurot ang iyahang pasensya sa nahisgutan human nga nag singit-singit matud pa kini gawas sa ilahang panimalay ug nanghagit sa suspect hinungdan nga migawas usab kini ug giadtuan sa iyahang panimalay ang biktima nga atul man usab mu sulod ngadto sa iyahang panimalay ug gitigbas ang kamot gamit ang lagarao.
Andam matud pa kini nga atubangon ang kaso nga ipasang-at ngadto kaniya tungod kay aminado man si dleos santos nga sala ang iyahang gibuhat. (Dave Silagan)
