General Santos City–Giangkon ni Joval Estapon, 26 anyos, nga nanimuyo sa Barangay Mabuhay ning syudad nga siya gyud ang reponsable sa pagpamunal ug tubo sa tulo ka mga batan-on nga silang Rey Pardillo, Charlie Chavez, ug Owen Cabahug, alas 10:00 ang takna sa gabie sa Prk 4, Phase 1, Pag Asa, Barangay Mabuhay, Gensan.
Sumala pa sa suspect nga gibadlong lang niini ang mga nasangpit nga batan-on human nga nag sige matud pa kini ug singgit-singgit sa dihang miagi ug mipalit ug ilimnon sa ilahang lugar.
Gani gitripan matud pa sa mga nasangpit ang usa ka karatola sa parlor kung diin gi-bitbit sa mga nahisgutan hinungdan nga iyahang gisaway.
Apan inay matud pa mutuo nasuko matud pa ang mga batan-on ug gi-aksyonan kinig hapak ug ilimnon hinungdan nga iyahang giunhan ug bonal apan wala matud pa niya kini gibunalan sa ulo tungod kay ang karatola lang matud pa nga bitbit sa mga biktima ang gibunalan niini.
Samtang gipaklaro usab sa suspek nga wala syay kalambigitan sa mga ginahimong pagpamunal sa Bunal Gang sa syudad, ang iyang gihimo matud pa usa lang ka pagbadlong sa mmga batan-ong badlungon nga nagpabuyag sa ilang lugar. (Dave Silagan)
