Davao City – Patay ang suspek sa giingong sunod-sunod nga pagpanulis sa panel sa Delio Truck ilawom sa area of responsibility (AOR) sa Talomo Police Station.
Ang napusilan patay mao si Julius Coresis Boot, 40 anyos, minyo ug nagpuyo sa Purok 3, Matina Biao, Tugbok District syudad sa Davao.
Sa gihimong Oplan RATS Tugis operation nga gimugna sa Davao City Police Office (DCPO) alas 10:45 sa buntag sa Purok 5 sa maong barangay, gisita sa operatiba si Boot apan kalit kining namusil sa mga awtoridad hinungdang napusilan igo sa nagkadaiyang bahin sa lawas nga miresulta sa kamatayon human kining gideklarang dead on arrival sa hospital.
Narecover sa crime scene ang .45 kalibreng pistola nga dunay magazine ug bala ug usa ka motorsiklo nga maoy iyang ginagamit sa operasyon.
Niadtong tuig 2015 nadakpan na si Boot sa kasong murder ug robbery sa AOR sa Talomo ug San Pedro Police Station.
Radyoman Bernard Pantallon
