Davao de Oro – Gipriso na karon sa Maragusan Municipal Police Station (MMPS) ang gitudlong suspect sa pagpatay sa 13 anyos nga dalagita sa Maragusan, Davao de Oro.
Suspek giila sa kapolisan nga si Arnel Lusica, hamtong ang panuigon, residente sa nahisgutang lugar.
Sumala sa report sa Maragusan Police Station, gisikop ang suspek sulod sa iyang panimalay human gitudlo sa nakikita nga sya ang mipatay kang alyas Leni, 13 anyos, Grade 8 student sa Maragusan National High School Maragusan, Davao de Oro.
Kahinumduman, ang biktima nakit-an na lang nga walay kinabuhi sa kasagbutan nga bahin sa Brgy. New Katipunan sa maong lalawigan nga gitohoang gibunalan sa magahi nga butang ang ulo nga bahin nga miresulta sa iyang kamatayon.
Kasamtangang gibilanggo karon ang suspect sa Maragusan Municipal Police Station samtang giandam na ang kasong ipasaka.
Paningkamutan sa DXDC RMN Team nga makuha usab ang tubag sa suspect kabahin sa maong akusasyon apan walay gipagawas nga pahayag ang dinakpan.
Alayon niini abli ang DXDC RMN Team sa pagdawat sa iyang tubag.
RadyoMaN Jules Catisay
