RMN Laoag – Natnag iti ima ti Philippine National Police ti suspect a sumangsango ti kaso a panagrames a napasamak sadiay probinsya ti Cagayan.
Nabigbig ti suspect a ni Arnel Espiritu y De Los Reyes alias “Ago”, agtawen ti 24, awanan ti asawa ken residente iti Barangay Lubigan, Badoc, Ilocos Norte. Natiliw ni Espiritu babaen ti pannakabagi ti PNP iti uneg ti balay ni lolona iti nasao met laeng a lugar.
Daytoy ket babaen ti bileg ti warrant of arrest nga inyetnag ni Hon. Judge Gemma P. Bucayu-Madrid iti Regional Trial Court, Branch 12, Sanchez Mira, Cagayan iti kaso a Statutory Rape wenno panangrames ti menor de edad.
Enero pay laeng iti daytoy a tawen nga imparuk-at ti korte ti nasao a bilin kontra kenni Espiritu ngem saan a mabirokan daytoy, aginggana a naduktalan iti pagigiananna.
Naiyakar metten ti suspect iti Sanchez Mira, Cagayan PNP kalpasan a dimmalan daytoy ti medical check-up. Saan met a karaman a naisurat iti drug-watch-list ti Badoc ti nadakamat a suspect.
Bernard Ver, RMN News
