Detinado karon sa Mambajao Police Station ang desi nuebe anyos nga si Jonnie Alngog, kinsa temporaryong nagpuyo sa Barobo, Surigao del Sur, human kini nasikop sa hinusang operasyon sa kapolisan kagahapon sa buntag sa Barobo sa maong lungsod.
Nasikop si Alngog pinasikad sa Alais Warrant of Arrest tungod sa kasong Robbery nga giisyu ni Hon. Nannete Michote-Lao, ang Executive Judge sa RTC, 10th Judicial Region, Branch 28 sa Mambajao, Camiguin.
Ang maong operasyon giunhan ni Police Senior Insp. Arnold Gaabucayan sa Mambajao Police Station kauban silang SPO1 Regin Gamo, PO3 Tirso Orillo ug PO2 Felmangel Lopoy, inabagan usab nilang Police Insp. Jeremy Valenzuela ug PO1 Christopher Mantiza sa 1301st sa Tangcatong Patrol Base sa Carmen, Agusan del Norte.
Nasayran nga makagawas lamang ang suspek alang sa iyang temporaryong kagawasan, kung makapyansa kini sa 24 mil pesos.
