General Santos City—sikop sa operatiba sa City Intelligence Branch ang usa ka 22 anyos nga dunay 2 ka mga kaso sa gihimong operasyon sa may Carcon Vill., Barangay Lagao Gensan.
Giila ang suspek nga si Rogen Rodriguez, 22, residenti sa samang lugar. Nasikop ang nasangpit pinasikad sa warrant of arrest sa kasong rape nga una nang gipagula ni Hon. Judge Dennis Velasco ug kasong kalapasan sa Sec. 5 sa R.A 9165 (Comprehensive Dangerous Drug Act of 2002) pinitsahan ug May 16, 2017.
Wala na nakaporma pa ang suspek human nasurpresa sa presensya sa kapulisan nga may bitbit nga warrant of Arrest batok kaniya.
Sa karon ang suspetsado nakakustudiya na sa Police Station 3 ug commitment order nalang ang gihuwat aron nga mabalhin na ang nasangpit sa Gensan City Reformatory Center.
