General Santos City—sikop sa gihimong Buybust operation sa City Drug Enforcement Unit (CDEU) ug City Intelligence Branch (CIB) ang duha ka mga suspetsadong lambigit sa iligal nga druga ug suspek usab sa pagpanulis sa magtiayong negusyante nga taga Barangay Calumpang ning dakbayan.
Mga suspek nailhang silang si Jershon Benemile, legal age, residneti sa Prk. Balunto, Barangay Labangal ug John Paul Manatad, legal age, residenti gihapon sa samang lugar.
Alas 4:30 ang takna sa hapon dihang gihimo ang buybust operation sa panimalay sa mga suspek sa Prk. Balunto hain napalitan ug (1) ka sachet sa gituohang shabu ang mga nahisgutan.
Gawas sa buy-bust items nakuhaan pa ug laing (1) ka sachet sa gikatahapang shabu ang mga suspek apil na ang buy-bust money nga P500.00.
Sumala ni Police Sr. Inspector Fernando Manuel, Hepe sa CDEU nga giangkon sa duha ka mga suspek nga sila ang nagtulis sa magtiayong Bienvinido Lulu ug Gloria Lulu nga taga Sta Cruz, Barangay Calumpang niadtong July 7, 2017 kung asa nakuha sa mga suspek ang mukabat sa P800,000.00 nga kwarta.
Narekober usab sa kapulisan ang (1) ka unit sa Cal. 40mm pistol ug (6) ka buhing bala.
Sa kasamtangan nagpahigayon pa ug imbistigasyon ang kapulisan aron sayron kung gawas sa illegal Drug Activity ug kasong pagpanulis duna pa silay laing kasong gikalambigitan.
Samtang gawas sa kasong paglapas sa RA 9165 ug RA 10591 posibling pasakaan usab ug kasong Robbery ang mga nahisgutan human miangkon sa ilang gihimong pagpanulis sa magtiayong negusyante.
