Victorias City – Detained na karon sa Victorias Police Station ang suspek nga si Mark Besa matapos nadakpan sa joint operation sang Barutac Viejo kag Ajuy PNP kahapon.
Si Besa ang suspek nga nagpatay kag naglugos sa pito ka tuig nga bata nga babayi sa syudad sang Victorias nagligad nga domingo sa diin ang biktima ang iya pa gin-sulod sa sako.
Pagkatapos sang krimen, si Besa ang nagpalagyo pina-agi sa pagkawat sang isa ka pump-boat sa Barangay 6-A kag nagpadulong sa Iloilo.
Ini siya ang nag-dungka una sa Barutac Viejo kag nagsakay naman sang Ceres, padulong sa Ajuy sa diin may yara ini sang mga himata.
Suno sa deputy chief of police sang victorias PNP – captain Joy Ellega nga iya ginpasalamatan ang Barutac kag Ajuy Police Station nga nagbulig sa ila agud madakpan ang suspek.
UPDATE!.
Sa ginpatigayon nga autopsy ni Dr. Richard Garlitos, City Health Officer sang Victorias, nakit-an nga may pilas sa iya kinatawo, nagbanog ang natuo nga bahin sang guya kag wala nga butkon kag gin lubag ang liog sang bata.
Severe head injury kag head trauma subong man lampus sa ulo ang rasun sang kamatayon sang biktima.
Samtang, nagapasalamat naman ang lola sang biktima matapos nga madakpan ang suspek nga nagpatay sang iya apo, kahapon.
