Tampakan, South Cotabato–Hingpit ng gipasakaan ug kasong murder sa Tampakan PNP kagahapong adlawa ang suspetsadong si Josen Cayon,29 anyos, residente sa Purok Mangga,Brgy.Tablu, Tampakan, South Cotabato, kansa mitigbas patay sa biktimang si Yol Taca,45 anyos, mag-uuma nga nanimuyo usab sa Sitio Datal Mangisi sa susamang Barangay.
Kahiabaluan nga una nang gibutyag ni Police Captain Joseph Villanueva ang hepe sa Tampakan PNP nga pasado alas 2:00 sa kadlawon niadtong adlaw’ng Dominggo dihang gitigbas sa suspek ang biktima samtang anaa kini sa gawas sa diskohan nga nagpungko lamang sa bato nga hubog.
Kalit kining giduolan sa nahisgutang suspek sa walay daghang estorya diretso tigbas sa makadaghang higayon sa lawas niini gamit ang lagaraw nga hinungdan sa iyang kamatayon.
Malampuson man usab nasikop sa mga mirespondeng pulis sa lugar ang suspek human gihimo ang krimen samtang personal nga bangi nga dunay kalabutan sa away sa pamilya ang ginalantaw nga motibo sa kapulisan sa pagpatay sa biktima.
Sa kasamtangan pabiling tingkagol sa prisohan sa tampakan pnp ang dinakpan. (Reynald Timario)
