*Detinado karon sa Tagoloan Municipal Police Station ang usa ka Robert Gadian Jr., nga taga-Purok 7, Brgy. Casinglot, Tagoloan, Misamis Oriental.*
*Kini human nagpaboto sa iyang armas niadtong Bag-ong Tuig ang suspek, nga gikasamad sa bukton sa 44 anyos nga si Jerry Taculod, human mitugpa kaniya ang saag nga bala gikan kang Gadian Jr. *
*Matud ni Police Chief Insp. Albart Tare, ang hepe sa Tagoloan Police Station nga nasayran nila kung kinsa ang nagpaboto sa armas, tungod na usab sa kaila sa suspek nga maoy mipahibalo kanila.*
*Samtang…..*
*Gilayon dayon silang milusad og follow up operation nga miresulta sa pagkasikop sa suspek. *
*Dugang pa ni Tare, nga igo lamang gikuha ni Taculod ang iyang celphone charger sulod sa ilang pinuy-anan, dihang mitugpa sa iyang bukton ang saag nga bala.*
*Nadiskobre usab nga kalibre .38 nga armas ang gigamit sa suspek, kinsa wanted diay sa kasong pagpayuhot sa illegal nga droga.*
*By; Radyoman Aiza Enloran *
