Mag-uuma nga nagdala’g unlicensed firearm, sikop sa checkpoint

Davao City – Paglapas sa Republic Act (RA) 10591 o Comprehensive Firearms and Ammunition Regulation Act ang kasong atubangon sa usa ka lalaki human kini nakuhaan og pusil nga walay dokumento niadtong Biyernes (Hulyo 22, 2022).

Sa interbyu sa DXDC RMN Davao kang Police Captain Flor Daisy Angga, Chief of Police (COP) sa Matanao Municipal Police Station (MPS), giila niini ang dinakpan nga si Arnel Mandial Gallardo, 35 anyos, usa ka mag-uuma, ug residente sa Purok Bugak, Sitio Bacoco, Barangay Kapatagan, Digos City, Davao del Sur.

Saysay sa pulis, gipara ang suspek sa checkpoint human wala kini nag-helmet ug pag-abli niini sa iyang bag aron magpakita usab sa iyang driver’s license, didto nakita nga aduna kini dala nga Homemade UZI Sub Machine Gun.

“After verification po, pinatanggal ‘yung sling bag then pinakuha sa kanyang ‘yung baril nya. Vinerify natin, wala hong mga papel,” sulti sa pulis.

Pahinumdom sa kapulisan sa publiko nga siguradohong adunay lisensya ug dokumento kung magbaton man og armas.

RadyoMaN Kirby Manzon

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments