General Santos City—Nagpabiling blangko pa karon ang kapulisan sa Polomolok South Cotabato sa pag-ila sa mga suspetsadong mipusil patay sa usa ka panday kaniadtong milabayng adlawng byernes sa riding in tandem criminals.
Subay sa report nga nahagpat sa rmn gensan giila ang biktima nga si Rey Calica Obra, 38 anyos,, ulitawo, og residente sa Ilang Ilangh street Poblacion Polomolok South Cotabato.
Sa imbestigasyon sa kapulisan nga pasado alas Otso sa buntag niadtong milabayng adlawng Byernes samtang ang biktima ang nagtrabaho isip panday sa panimalay sa usa ka Jay Sadiang Abay Ocampo, sa may Purok San Augustine Barangay Poblacion kalit lamang nga miabot ang duha ka mga suspek nga nakasakay sa motorsiklo og armado sa kalibre 45 pistola og didto gipusil patay ang biktima.
Gani narekober lamang sa miresponding kapulisan sa crime scene ang 4 ka mga basiyo sa kalibre 45 pistola.
Duda karon ang kapulisan sa motibo sa krimen kung asa usa sa mga gitutukan nila mao ang personal nga may nakabangi. (Emir Bariquit)
