Masikop sa Joint Police Operation sa Cagayan de Oro ug PDEA, ang usa ka suspect sa pagbaligya sa laya na dahon sa Marijuana.
Si City Drug Enforcement Unit Chief, Senior Inspector Maricris Mulat, mipa-ila sa maong suspect nga si Estephen Nery, 22 anyos nga residnete sa Paseo del Rio, Nazareth ning syudad.
Matud ni Mulat, nga bandang 3:45 sa kaganinang kadlawon, naglunsad sa Buy Bust Operation ang kapolisan ug PDEA, sa Paseo del Rio, nga nagresulta sa pagka sikop sa maong suspect.
Nakuha sa kamot sa maong suspect, ang usa ka dako nga Pakite sa laya na dahon sa Marijuana, nga nagkantidad sa 1 thousand pesos, ug la-in pang 120 gramos nga Marijuana, nga nagkantidad sa 36 thousand pesos.
Lakip sa nakuha sa maong suspect ang 1 thousand pesos nga Mark Money.
Ang maong police operation gisaksihan ni kagawad Mario Bolanio, sa barangay Macasandig.
Ang maong suspect gi-detain sa Custodial Facility sa cocpo, alang sa duhang action og rekomendasyon.
