Miangkon ang duha ka mga suspek sa paglabay sa Improvised Explosive Device o IED kagahapon sa hapon sa Marantao, Lanao del Sur nga mga sakop sila sa 102nd Base Command sa MILF.
Adunay mga nakuhang ID gikan kanila nga mga sakop sila sa maong command.
Ang 102nd Base Command gipangunahan ni Abdullah Macapaas nga naila kaniadto nga Commander Bravo nga karon naila na nga Honorable Abdullah Macapaas human manumpa isip membro sa Bangsamoro Authority sa Bangsamoro Autonomous Region in Muslim Mindanao.
Apan giklaro ni Col. Romeo Brawner, commander sa 103rd Infantry Brigade, Philippine Army, wala kini nagpasabot nga dunay sanction sa MILF ang gibuhat sa duha nga pagpamomba.
Posible matud pa nga gigamit sila og pulitiko o grupo aron mohimo sa maong pagpamomba.
