Tupi, South Cotabato—Hingpit ng gipasakaan ug kasong murder sa Tupi PNP ang suspetsadong si Reynante Daliba, 39 anyos, ulitawo, mag-uuma nga nanimuyo sa Sitio Katipunan, Brgy. Miasong Tupi, South Cotabato kansa maoy responsableng midunggab patay sa kauban niini sa trabaho nga si Ricky Magalante,31 anyos, ulitawo nanimuyo sa Prk. Lanao sa nasampit nga Barangay niadtong adlaw’ng Sabado.
Kini ang nahimong pamahayag ni Police Major Berlyn Pampolina hepe sa Tupi MPS human nga nahinabi sa RMN Gensan.
Sumala pa sa opisyal nga naglalis matud pa ang duha ug wala nagkasinabtanay samtang nagka-uban sila sa inuman nga misangko sa pagdunggab nmga gikamatay sa biktima.
Dugang asoy ni Pampolina nga dead on arrival ang biktima nga nadala sa balay tambalanan gumikan sa naangkon niining samad dinunggaban sa dughan ug sa kilid. Sa kasamtangan nagtingkagol sa selda sa tupi MPS ang suspetsado
