Suspek sa paglugos nisukol sa pulis-patay

Davao City – Nabawian sa kinabuhi ang usa ka armadong lalaki human nisukol sa mga sakop sa Bajada PNP nahitabo sa may 1st Opal St., Barangay Paciano, Davao City, niadtong Nobyembre 29, 2022.

Sa report gikan sa Bajada Police Station naila ang suspek nga si Nelson Flores alyas “JAKE”, 20 anyos, ulitawo, call center agent ug residente sa San Francisco, Panabo City.

Sa dihang girespondehan og giduol sa mga pulis ang suspek, nibunot dayon kini sa iyang armas gikan sa iyang hawak ug gipabuthan ang mirespondeng mga awtoridad apan abtik nibawos ang mga pulis resulta nga naigo ang suspek.

Gilayong gidala sa Southern Philippines Medical Center ang suspek apang gindeklara kining dead on arrival. Narekober sa SOCO team gikan sa crime scene ang usa ka sa .45 kalibre pistola, usa ka magazine, duha ka basyo sa .9mm ug usa ka paketeng gidudahang marijuana.

Kahinumduman nga dunay mireklamo ngadto sa Bajada Police Station nipahibawo nga ang suspek nga nanglugos kaniya nakit-an sa nasampit nga lugar hinungdan nga girespondehan dayon sa mga awtoridad.

RadyoMan Don Pulayao

Facebook Comments