Ginbawian sang kabuhi ang 48 anyos nga lalaki nga suspek sa pagpangluthang sang natiruhan ka mga nagresponde nga pulis matapos nga nagbato kagab-i sa hacienda Grande banwa sang La Castellana.
Ginkilala ang biktima nga napatay on the spot kay Jeffrey Servidad pumuluyo sang Purok Cubay, Barangay Villamonte syudad sang Bacolod.
Suno sa La Castellan PNP, si Servidad ang suspek sa pagluthang kay Reynaldo Biaras, 24 anyos sang Hacienda Bacsay, Barangay Robles banwa sang La Castellana nga nakaangkon sang pilas sa liog kag kamot nga padayon nga ginabulong sa isa ka ospital.
Sa pagresponde sang mga kapulisan, sila ang una ginluthang ni Servidad rasun nga nagbalos ang katapo sang otoridad para maproteksyonan ang ila kaugalingon kag kabuhi.
[image: image.png]
