Patay ang 41 anyos nga lalake human misukol sa kapolisan atol sa gihimong buy bust operation mga alas tres kagahapong adlawa sa Vamenta, Barra Opol, Misamis Oriental.
Suspek nailang si Umar Sultan, minyo ug residente sa nasangpit nga dapit.
Matud ni Opol PNP Station Commander Chief Inspector Ebarre Bacunawa, dugay na nilang gimonitor ang lihok sa supek kinsa una nang nasayran nga gabaligya sa illegal nga droga dinhi sa dakbayan partikular sa area sa barangay Pagatpat.
Malampusong nasapon sa kapolisan uban ang mga personahe sa Philippine Drug Enforcement Agency kon PDEA ang suspek sa balay niini ug nakig-transak gamit ang 500 pesos nga buy bust money.
Gawas sa pagpamaligya og shabu, usa usab ka gun for hire ang suspek.
Dihang nasayran ni Sultan nga pulis ang mipalit kaniya og shabu, mibunot kini sa iyang kalibre 38 nga armas dayung paboto apan daling nakalikay ang kapolisan kinsa mibalos pagpusil sa suspek hinungdan sa kamatayon niini.
Nakuha gikan sa suspek ang calibre 38 nga armas, fragmentation grenade ug siyam ka sachet sa shabu.
Samtang…
Anaa na sa listahan sa barangay ang ngalan sa suspek human kini misurender apan sa wala madugay, mibalik kini sa pagpamaligya og shabu nga maoy gibuhi sa iyang pamilya.
Panawagan karon ni Police Chief Inspector Ebarre Bacunawa sa tanang wala pa magbag-o nga dili magpalabi sa ilang illegal nga binuhatan ilabina ang pagbaligya ug paggamit sa illegal drugs.
