Davao City – Wala hatagi og gimbug aton sa Sta. Maria PNP ang kasong kidnapping nga gipasaka ni Toto Cerilo sa iyang ugangan sa Brgy. Tibungoy, Sta. Maria, Davao Occidental aron maoy matumbok nga nagpaluyo sa pagpusil-patay sa kanhi transport leader.
Sumala ni Police Major Elinar Agustin hepe sa Sta. Maria PNP nga sa ilang imbestigasyon walay kapasidad ang partido sa kapuyo ni Cerilo aron himuon ang pagpusil patay sa biktima niadtong miaging Myerkules sa gabie.
Matud niini nga gipasakan og kaso ni Cerilo ang iyang ugangan tungod sa kustodiya sa iyang anak sa bag o nining live-in partner. Gibali usab sa ugangan pagdemanda si Cerilo sa kasong child abuse.
Gidugang ni Agustin nga mas ilang gilantaw ang uban pang mga anggulo susama sa mga gipasakang kaso ni Cerilo sa mga opisyal sa gobyerno ombudsman ingun man ang pagkalambigit niini sa sektor sa tranportasyon kaniadto.
Kahinumduman nga gipusil patay ang biktima niadtong miaging gabie sa Brgy Tibungoy, Sta. Maria Davao Del Sur.
RadyoMaN Erin Lumosbog
