Dakup sa banwa sang Manapla ang suspek nga nagpangawat sang motor Biyernes sang gab-i, Hunyo 5 sa syudad sang Silay matapos nga gin-follow-up sa joint operation sang Silay kag Manapla PNP sa Hda. Busay, Brgy. Punta Mesa banwa sang Manapla.
Ginkilala ang suspek kay Alvin Clamiano,alyas “kulot” 26 anyos ang edad sang Had. Busay, Barangay Punta Mesa banwa sang Manapla.
Suno kay Police Captain Jaynick Bermudez-hepe sang Manapla PNP may yara pa sang lagsanay sa kampo sang tubo apang sang ulihi naggwa man ang suspek sa pagpati nga nag pull-out na ang mga kapulisan.
Wala labot sa na-recover nga kinawatan nga motor, nakuhaan man ini sang ginapatihan shabu.
Nagpasalamat naman si Barangay Dos syudad sang Silay Kagawad Roberto Hinolan, tag-iya sang motor bangud narekober ang motor sa pagpursige sang mga kapulisan para madakpan ang suspek.
[image: image.png]
