General Santos City— Malampusong nadakpan ang suspek sa pagpangidnap human mangayo ug tabang ang biktima sa miyembro sa kapulisan sa Police Station 1.
Giila ni Police Chief Inspector Nestor Maderse Jr. hepe sa Police Station 1 ang suspek nga si Christopher Mariposque, 36 anyos nga residente sa Del Carmen Village, Aplaya, Matina.
Kung asa basi sa pamahayag sa biktimang si Fiancée Lee Banzon, 35 anyos nga Maa Davao nga sa Ecoland pa nahitabo ang pagkidnap kaniya hangtud nga miabot sa dakbayan sa Gensan gumikan sa taas nga negosasyon.
Dugang pamahayag ni PCI Maderse nga basi sa pamahayag sa biktima, wala siya makapangayo ug tabang sa mga checkpoint gumikan kahadlok nga madunggaban sa suspek.
Narekober matud pa sa mga dala sa suspek ang mga pisi timailhan nga adunay dautang plano ngadto sa biktima. Kasong kidnapping ang ipasang-at ngadto na sa suspek kung asa dinhi ipasaka ang kaso aron masigurtong dili ma-dismiss ang kaso.
Sa karon, wala pa silay nasayran nga laing kasong gikalambigitan ang suspek samtang padayon ang ginahimo nga imbestigasyon sa maong kaso. Nakig-coordinate na usab kanila ang anti-kidnapping ingon man Davao Police aron matutukan ang maong kaso.
