General Santos City—Giangkon sa 19 anyos nga si Alyas Aping, gikaingong dunay deperensya sa panghuna-huna ug residenti sa Barangay Labangal Gensan nga iyang gihilabtan ang 8 anyos nga batang babaye nga itago lang sa pangalang Alias Angel residenti sa samang Barangay.
Sumala sa suspek nga siya gitawag sa biktima samtang siya anaa sulod sa ilang balay.
Tungod natulog ang inahan sa biktima, didto na niini gihilabtan ang minor de edad sulod sa tindahan sa inahan sa nahisgutan.
Giklaro usab sa suspek nga igo ra nilang gihikap ang mga pribadong parti sa lawas sa biktimang minor de edad.
Wala matud pa niini hingpit nga gikuha ang pagkababaye sa nasangpit. Dugang pa sa suspek nga siya natintal lang nga hilabtan ang bata ug wala usab siya masayud nga nagsumbong diay kini sa iyang inahan.
Nasayran nga human nisumbong ang ginikanan sa bata ngadto sa kapulisan, gilayon nga gisikop ang suspek ug balhog na karon sa silda sa Police Station 2.
