General Santos City— Himas rehas na ang nag-unang suspek sa pagpatay sa biktimang si Fe Mad, 19 anyos nga taga Brgy. Amsipit, Maasim, Sarangani Province kansa unang nakit-ang nagbuy-ud nga adunay mga samad tinigbasan sa ulo ug lawas.
Sumala kang Police Lt. Wineslao imperial, deputy chief of police sa Maasim PNP nga ang suspek nailang si Wilson Ortiz, 33 anyos nga residente sa Sitio Tahakayo, Brgy. Amsipit, Maasim.
Saysay niini nga una silang ngapahigayon ug imbstigasyon sa lugar ug ilahang gikuhaan ug pamahayag ang suspek kalabutan sa krimen gumikan kini maoy ginatudlong responsable krimen, uwahe na matud pa nila nasayran nga aduna kini warrant of arrest sa gumikan sa kalapasan sa R.A 10591 nga unang gipagawas ni hon. Judge Isobel Baroso sa Malaybalay, Bukidnon.
Dihang gisikop ang suspek postibo kining gitudlo sa batang testigo nga maoy uwaheng naka-istorya sa biktima ayha kini nakit-ang patay.
Pagpaklaro man usab ni Pol. Lt. Imperial nga dili pa nila makumpirma kung gitibas ang biktima, gani nagrequest na matud pa sila ug autopsy sa SOCO, apan base sa mga samad niini, agi matud pa kini ug tinigbasan.
Samtang, sa pagtuong gilugos ang biktima, kana matud pa ang dili nila abutyag gumikan duha na kaadlaw uman ang krimen dihang nakit-an ang patay’ng lawas sa biktima ug kontaminado na ang ebidensya rason nga dili na makit-an sa medico legal.
