Na-engkwentro ang tropa sa 8th Infantry Battalion, Philippine Army ang mga New Peoples Army kon NPA kaniadtong Biyernes alas 11 sa buntag.
Sa interview sa RMN ngadto kang Lt. Kenneth Cabbigat, ang CMO ug spokesperson sa 8th IB gibutyag niini nga nahitabo ang panagsangka sa Brgy. Manalog, Malaybalay City, Bukidnon.
Mukabat ngadto sa 30 ka NPA ang ilang na-engkwentro.
Nagtoo usab ang 8th IB nga daghan ang samaron sa mga rebelde tungod sa mga dugo sa encounter site.
Nabawi gikan sa mga misibat nga mga rebelde ang pipila ka mga gamit niini sama sa backpacks, handheld radio, detonating cord, mga bala sa AK47, medical paraphernalia ug mga subversive documents.
Sa karon padayon ang gihimong combat operation sa kasundaluhan sa mao nga dapit.
Samtang gihimakak usab ni Cabbigat ang taho nga adunay nasamdan o kaha napatay sa habig sa kasundaluhan.
Base sa intelligence report nga ang mao nga grupo ang reponsable sa pagpatay kang PO3 Jerry Tropel sa Sumpong ning siyudad niadtong Pebrero ning tuiga.
Dili usab daw nila lung-an ang mao nga grupo ug dili sila mutugot nga makahawa sa area sa Bukidnon ang maong mga NPA.
