Nasikop kagahapon sa hapon ang suspek sa pagpayuhot sa illegal nga druga, atol sa gipahigayong buy bust operation sa kapolisan sa may Mabolo St. Brgy. Carmen ning syudad.
Ang maong operasyon giunhan ni Police Chief Insp. Harvey Abellanosa, ang hepe sa Cogon Police Station inabagan usab sa kooperasyon sa Carmen Police Station.
Naila usab ang suspek nga si Roger Ambos, 39 anyos nga taga-Ipil St., Brgy. Carmen ning dakbayan, kinsa nagpailang Masa Masid agent ug estudyante sa Golden Heritage College basi na usab sa nakuhang I.D kaniya sa kapolisan.
Nakuha gikan sa suspek ang onse ka sachet sa shabu nga gibana-banang nagtimbang sa 5 grams ug nagbalor sa 30 mil pesos, 500 pesos nga buy bust money ug ubang paraphernalia.
By; Radyoman Aiza Enloran and Ellah Baculio
