Sa interbyu sa DXDC RMN Davao kang Police Staff Sergeant (PSSg) Ian Paul Araiz, imbestigador sa Digos City Police Station, gibutyag niini nga personal nga mi-surrender si Jayradee Frande, 38 anyos, karpentero ug residente sa Barangay Igpit, Digos City.
Saysay ni Araiz, walay personal nga atraso ang suspek sa biktimang kagawad apan aduna na kini record sa barangay tungod gihapon sa pagpanion og armas. Gani, ang suspek subject na para sa search warrant tungod sa pagkupot og pusil nga gituohang dili lisensyado.
Nasayran usab nga kaduha na kahigayon nga gipa-blotter ang suspek sa iyang live-in partner tungod sa pagpangulata bisan og dili kini lango sa ilimnon.
“Kahibalo na gud si kagawad nga nagadala-dala na’g baril (ang suspek). Mao ‘tong kadtong kauban niya nga kagawad, giaksyonan pa to niya’g atik-atik og gakos-gakos unya sabay kapa sa hawak. Unya wala niya nahikapan kay gigunitan na man diay sa suspek. Naka-ready na siya. Mao ‘tong kumpyansa kaayo sila (kagawad. Nitalikod sila. Pagtalikod, mao ‘tong napusilan si Kagawad Colita,” saysay sa imbestigador.
Kasong murder ang atubangon sa suspek nga gibalhog na karon sa Digos City Police Station.
RadyoMaN Kirby Manzon
TAGS; DXDC 621 RMN DAVAO
