Napatay sa kapulisan ang suspek sa pagpusil patay sa usa ka pulis sa lungsod sa Purok 6, Upper Rancho,Bangahan,Pangantucan, Bukidnon.
Una niini, gihimo sa Kalilangan ug Pangantucan Municipal Police Station ang joint pursuit operation batok sa gun for hire suspect nga mipusil-patay sa pulis kaniadtong Domingo.
Mahinumduman nga nakaangkon sa samad pinusilan sa iyang ulo, liog, dughan ug tiyan nga hinungdan sa kamatayon ang biktima nga si Police Staff Sgt Rio Tibang, 39-anyos ug residente sa maong lugar human pusila ni Jovie Somotil Maulas nga taga Manubiray, Lampanusan, Kalilangan Bukidnon.
Sa interview sa interview sa RMN Malaybalay ngadto kang Police Major Jerry Paronia, ang commander sa Pangantucan PNP gibutyag niini nga ilang napatay ang suspek nga si Jovie Maulas alas 5:15 sa buntag kagahapong adlawa, Mayo 2, 2019.
Matud ni Paronia nga siya ang nanguna sa operasyon uban ang hepe sa Kalilangan PNP nga si Pol. Captain Patrick Cruz Castro.
Sigun niini nga ilang natultulan ang gitaguan ni Jovie Maulas sa Manubiray, Lampanusan, Kalilangan ug didto ra usab kini napatay.
Gidugang sa hepe nga nisukol ang mao nga suspek hinungdan nga ilang napatay sa police operation.
Narekober matud pa nila ang duha ka mga armas nga naglangkob sa carbine ug calibre 45 nga pistol. Aduna pa matud pay ubang armas kini apan ang duha lang ang narekober sa kapulisan.
Gikumpirma usab ni Major Paronia nga gun for hire ang mao nga suspek.
