General Santos City–Gipaabot nalang sa Police Station 4 nga mahuman ang tanang affidavit sa mga witness sa pag pamusil patay sa usa ka Edgar Marquez , 34 anyos ug lumulopyu sa Habitat Phase A Barangay Mabuhay ning syudad niadtong milabay nga adlaw sa Habitat Phase B aron nga pormal nga mapasakaan ug kaso ang responsible sa pag patay sa biktima.
Sumala pa ni PCI Hover Antonio ang hepe sa Police Station 4 nga human nilang nakuha ang identity sa suspect gilayon sila nga mipahigayon ug hot pursuit operation sa mga posibleng adyuan sa suspect lakip na sa panimalay niini apan pakyas sila nga masikop ang nasangpit.
Kung kahinumduman nga napusilan ang biktima human nga nag-ulang kini sa mga nag away sa hantakan apan nasuko ang suspect nganong nag apil-apil ang biktima hinungdan nga naka dagan ang iyahang kalaban mao siya ang gipahimungtan ug gipusil sa maka tulong higayon nga maoy hinundan sa iyahang hinanaling kamatayon.
