Suspetsado sa Paghupot nan Illegal na Druga Nadakpan!!

Sa padajon na kampanya sa illegal na druga sa mga otoridad kuman bag-o dinhi sa syudad og provincia nan SDN, nadakpan nan ini an upat ka mga suspetsado na naghupot nan bana-bana P17,700.00 na tagtuhoang shabu.Sa tagpahigajon na operasyon nan mga otoridad sa pagpanguyo ni PSINSP Ernesto Esteban Marcos Jr. nan Surigao del Norte Provincial Drug Enforcement Group nasikop sa may alas 7 nan gabii , Agosto 31,2017 sa Purok 8,Barangay Taft an mga suspetsado na sila si Crisantino Makinano Almazan, 46 anyos, Wilma Mahinay Almazan,48,Randy Labado Balina,49 anyos, mga residente nan Purok8,Brgy. Taft inin syudad sanan isa ka Mary Grace Tinambacan Casura,44 anyos taga Brgy Rizal, Surigao City. Sa pagkakuman tag andam na sa kapolisan an kaso na isang-at batok sa mga suspetsado og kasamtangan isab ini na tagdetinir sa Surigao City Police Station.