Ginpahayag ni Councilor Renecito Novero, nga mahimo lang sa gihapon nga makabaligya ang mga vendors sa public markets sa Bacolod matapos sila nga i-swab test kag wala pa ang resulta.
Ini ang sabat ni Councilor Novero sa pagkontra sang kadamuan sang mga vendors sa nasambit nga plano sang city government bangud sang kahangawa nga sila ang i-quarantine pagkatapos sang swab testing kag indi na sila makabaligya.
Suno kay Novero, wala pa sang pinal nga desisyon tuhoy sa swab testing kag ini ang kabahin sang rekomendasyon ni retired Major General Melquaides Feliciano, deputy chief implementer sang National IATF.
Dugang pa sang konsehal, may bag-o sila nga polisiya sa swab testing sa diin, indi pag i-quarantine ang mga vendors pagkatapos sang test gani pwede pa sila makapadayon baligya, kag ang mga mag-positive amo lang ang kuhaon.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
