Sweeper flights sa Bacolod-Silay Airport balik na, apang pasahero limitado

21

Pagalimitahan na gid lamang ang mga pasahero nga maka-biyahe sang tubtub sa 150 sa isa ka flight kada adlaw sa Bacolod-Silay Airport kasunod sang pag-resume na sang mga sweeper flights sini nga adlaw (July 13).

Ini nahisugtan sang provincial government upod sa mga airline companies bilang pamaagi nga mapaiway ang pag-ginutok sang mga quarantine facilities ginpahamtang sang probinsya.


Igatugyan naman sang provincial government sa mga airline ang pagkuha sang mga gina-require nga dokumento sang mga pasahero nga magapauli sa probinsya kag magapaidalum ini sila gihapon sa facility quarantine.

Angut sini, ang mga biyahe sang Philippine Airlines gintalana sa Lunes kag Biernes, Cebu Pacific tagsa ka Huwebes kag ang Air Asia naman tagsa ka Miyerkules kag Sabado tubtub sa katapusan sang bulan sang Hulyo.

Samtang wala man sa gihapon karon sang biyahe halin sa Cebu pasulod sa probinsya.

[image: image.png]

Facebook Comments