Migawas sa bag-ong survey nga mas daghang Pilipino ang nag ingon nga minindot ang ilang panginabuhi ilawom sa pagdumala ni Pangulong Rodrigo Duterte.
Matod ni Communications Secretary Martin Andanar, nagpasabot lamang kini nga gihimo sa pangulo ang iyang katungdanan.
Base sa first quarter sa 2019 social weather station (SWS) survey, 38% sa mga Pilipino ang nag ingon nga maayo ang ilang panginabuhi sa ulahing 12 ka bulan.
Sa pareho usab nga survey, migawas nga 45% sa mga Pilipino ang optimistiko nga mo maayo ang ekonomiya sa pilipinas sa sunod 12 ka bulan.
Tungod niini, giingon ni andanar , nga nabati sa mga Pilipino nga gibuhat ni pangulong duterte ang nahisgutan problema sama sa pagresolba sa problema sa droga, kriminalidad, ug kurapsyon, nga kanhi wala gitagaan ug pagtagad sa nangaging administrasyon.
Pero dinhi sa dakbayan sa dipolog sa pakighinabi sa pipila ka mga lumolopya dinhi, ilabi na ang anaa sa ubos nga hut-ong sa katilingban, matod nila wala may nahimong kausaban sa ilang panginabuhi sukad nga milingkod sa Duterte.
Gani miingon pa sila nga nagpabilin gihapon silang kabus, ug naglisod gihapon sa ilang pang adlaw-adlaw nga panginahanglanon.
Usa sa mga rason niini wala sila’y saktong trabaho nga makita hinungdan nga hangtod karon padayon sila nga nakigbugno sa kalisod dinhi sa probinsya sa zamboanga del norte.
