Syam ka mga doctor kag 25 ka mga ospital sa Region 12 ang posible nga magapangatubang sang kaso angot sa anomalya kag fraudulent insurance claims sa Philhealth-12.
Suno kay Philhealth 12 acting regional vice president Dr. Hector Zenon Malate ini ang base sa ginpatigayon nga fact finding investigation sa 40 ka mga suspicious claims sang mga ospital.
Pahayag pa ni Malate nga nasubmitir na sang Philhealth 12 legal section ang report sa Philhealth central office Fact-Finding, Investigation and Enforcement Division (FFIED) nga amo ang magdetermina kon may ipasaka nga kaso administratibo sa nasambit nga mga ospital kag doctor.
Samtang kadam-an naman suno sa iya nga gin-imbestigaran ang angot sa “misrepresentation ukon may claims para sa mga non-admitted patients, extension period of confinement sang mga pasyente para macover sang Philhealth kag multiple filing of claims.”
