Syam ka mga miyembro sang Bangsamoro Islamic Freedom Fighter (BIFF) ang nagsurender sang Oktubre 24 subong nga tuig,kadungan sang ginapatigayon nga intensified military operations sa Maguindanao.
Ang mga miyembro sang BIFF nga nagsurender sa 57th Infantry Battalion ang ginkilala kanday Rahib Baguindali Nawal alyas Rahib, field Commander; Abdulrahim Kinona Mariano alyas Junior, IED Maker; Zed Baguindali Nawal, Mamalinta Em Abdul ; Kasim Mujahid Abdul, Abdul Rafael Kanda, Jessie Abunawas Abdul , Surab Abdullah kag Mentato Mesol.
Dala sang nasambit nga mga BIFF members sa pagsurender ang mga high-powered firearms.
Ginpahayag ni WestMinCom Commander Lt. Gen. Corleto Vinluan, Jr. nga ang nasambit nga mga persona ang imbolbado sa armed engagements sa Barangay Salman, Ampatuan, Maguindanao sang Marso subong nga tuig.
Imbolbado man suno pa ang mga ini sa harassments kag engkwentro sa Maguindanao kag North Cotabato.
Suno pa nakapoy kag wala na ang mga ini sang makaon sa nagapadayon nga operasyon sang pwersa sang gobyerno amo nga nagsurender.
Ginpresentar naman ang syam kay JTF Central Commander Maj. Gen. Juvymax Uy kag1st Mechanized Infantry Brigade Commander Brig. Gen. Jesus Rico Atencio kadungan sa selebrasyon sang 33rd Founding Anniversary sang 6th Infantry Division unit’s headquarters sa Camp Siongco, Awang, Datu Odin Sinsuat, Maguindanao sa amo nga adlaw.
photo by: Westmincom
