Ugangan kag umagad naglab-anay, kritikal.

Scratched red oval stamp with the words - the police - illustration

Kritikal ang duha ka mga persona, matapos nga naglab-anay gamit ang lagaraw sa bahin sang Prk. Casava, Brgy Maligo, Polomolok, South Cotabato alas 5:00 kahapon sang hapon, Oktubre 25, 2020.
Ginkilala ang suspek kay Reynaldo Butanas, 39-anyos, residente sang Purok Cassava, Brgy. Maligo nga ugangan sang biktima nga si Lucero Dakwa, 22 –anyos, laborer kag residente sang Purok Malayon, Brgy. Landan sa nasambit nga banwa.
Sa imbestigasyon sang Polomolok PNP yara sa impluwensya sang makahulubog nga ilimnon ang suspek nga nagmaoy sa Purok Malayon amo nga ginsugat sang biktima kag kontrolon.
Apang sang yara na ini sa ila balay nagkuha ang suspek sang lagaraw kag ginlabo ang iya nga umagad nga naigo sa ulo, apang naagaw sang biktima ang lagaraw kag ginlabo man sini ang ugangan nga naigo sa leog.
Gilayon naman nga gindala ang suspek kag biktima sa ospital nga pareho yara sa kritikal nga kondisyon.
Kaso naman nga frustrated homicide ang ipasaka batok sa suspek nga ugangan.

Facebook Comments