Nagalab-ot na sa 1,543 ang kaso sang balatian nga dengue sa South Cotabato halin Enero tubtob Mayo 4 subong nga tuig nga mataas sang 125.6% kumparar sang nagligad nga tuig sa kapareho nga period sa pihak sang kampanya nga manglimpyo sa palibot.
Samtang, yara naman sa syam ang narekord nga patay sa nasambit nga balatian base sa datos sang Provincial Epidemiology Surveillance Unit sang Provincial Health Office.
Ang nasambit nga mga nareport nga napatay sa amo nga balatian ang halin sa banwa sang Banga nga may – 2 kag tig-isa naman kaso sa Koronadal City, Polomolok, Sto. Niño, Surallah, Tampakan, T’boli kag Tupi .
Nagaggwa man sa datos nga nagapanguna ang Koronadal City sa may mataas nga kaso sang balatian nga dengue nga may 333, ginasundan sang banwa sang Tantangan may 195, Tupi-184, Polomolok -171, Banga -167, Surallah-146,T`boli-111, Tampakan -80, Norala -57, Lake Sebu -52 kag Sto. Niño may 47 ka kaso.
Samtang ang mga barangay naman nga may clustering sang kaso sang balatian nga dengue sa banwa sang Banga Brgy. Malaya, San Vicente, Cabuling, Bo.3 kag Rizal Pob. , sa Koronadal City Brgy. Paraiso, Zone IV, Sta. Cruz, Zone III, GPS kag Sto. Niño, Norala Brgy. Poblacion, Polomolok Brgy. Cannery Site kag Poblacion , Santo Niño Brgy. Manuel Roxas kag Poblacion, Surallah Brgy. Libertad, Tampakan Brgy Poblacion kag Buto, Tantangan Brgy. Poblacion, San Felipe kag Dumadalig.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
