General Santos City—adunay mga programa ang lokal nga panggamhanan alang sa mga batang latagaw , usa na niini ang gimugnang ordinansa aron nga masulosyonan ang nag kagrabi nga problema sa mga minor edad nga galatagaw sa kadalanan sa dis oras sa gabie nga maoy sinugdan sa mga ka gubot sama niining riot.
Gibutyag ni Jang Odoya ang children sectoral coordinator sa CSWDO-Gensan nga mipasa ang city council ug ordinansa pinaagi kang City Councilor Edmar Yumang nga Self Keeping Ordinance kung diin naka latid dinhi ang himuon sa mga bata nga naga laroy-laroy sa kadalanan dis oras sa gabie.
pinaagi matud pa niini mahipos ang mga minor edad nga naa sa dalan tungod kay pag tinabangay sa pulis, barangay ug CSWDO sa paghipos sa mga nasangpit aron nga malikay usab sila sa risgo sa kadalanan.
Samtang nakalatid usab sa ordinansa ang mamahimong silot sa mga ginikanan nga magpasagad sa ilahang anak nga nag edad 17 anyos paubos nga mag laruy-laroy sa kadalanan diin mamahimo silang mapreso ug 3 ka bulan ug pag multa ug 2000 ka pesos. (Dave Silagan)
