SYUDAD sang Iloilo – Indi pa handa ang syudad sang Iloilo sa ti-on nga mapuno na ang existing nga sanitary landfill sa Barangay Calajunan, Mandurriao.
Suno kay General Services Office Head Mr. Joren Sartorio indi pa handa ang syudad kun mapuno na ang landfill sa masunod nga pito ka tuig.
Paathag ni Sartorio ini ang kabangdanan kun ngaa kalakip sa 10-year Solid Waste Management Plan ang pagpangita sang private partner sang solid waste to energy technology nga patindugon sa Calajunan area.
Paagi sini mapalawig ang kabuhi sang landfill bangud gamiton sa paggenerate sang kuryente ang mga basura.
Nahibaluan nga panahon pa ni mayor Jed Patrick Mabilog sang ginpatindog ang sanitary landfill sa budget nga P200 million gikan sa loan sang Development Bank of the Philipppines.//via Joel Franco reports
Photo by Sarah Chong
