Gika-alarma sa Bukidnon Police Provincial Office ang taas nga kaso sa rape kon pagpanglugos dinhi sa probinsya sa Bukidnon.
Nasayran nga ang Bukidnon, adunay pinakataas nga kaso sa rape sa tibook rehiyon 10.
Sa interview sa RMN Malaybalay ngadto kang Pol/Captain Jiselle Longakit, ang hepe sa Womens and Childrens Protection Desk sa PNP Bukidnon gibutyag niini nga gikan sa Enero hangtod Hunyo ning tuiga anaa na sa 39 ka kaso sa rape ang natala sa ilang buhatan.
Sa mao nga ihap, 31 mga menor de edad samtang 8 ang nag edad na ug 18 anyos pataas.
Ang naka-alarma matud pa tungod kay sa mao nga kaso 5 ang mga suspek mga menor de edad.
Samtang sa tala sa WCPD, ang physical abuse kon pagpanakit ang nag-unang kaso sa nakasupak sa RA 9262 ug RA 7610.
Facebook Comments
