Gisiguro ni board member “Prexy” Elipe nga motaas ang kita sa mga mag-uuma sa Misamis Oriental tungod sa bag-ong giablihan nga tissue culture Laboratory sa lungsod sa Sugbongcogon.
Gipasabot niini nga pinaagi sa maong pasilidad, daling modaghan ang produkto sa mga mag-uuma.
Pinaagi sa tissue culture laboratory, mas maayo ang kalidad sa produktong itanom ug dili daling taptan sa mga insekto.
Sulod sa maong laboratoryo, himoon ang proseso sa pagpadaghan sa similya sama sa saging, abaca, patatas ug uban pa diin sulod sa walo hangtud napulo ka bulan mamahimo na kining itanom sa nagkadaiyang munisipyo sa probinsya.
Isip chairman sa komitiba sa agrikultura sa Sangguniang Panlalawigan, usa sa gitutukan sa opisyal mao ang pagpadayon sa paghatag ayuda sa mga mag-uuma aron mas modako ang ilang kita.
