Taas nga opisyal sa 4th ID, nanawagan sa NPA nga mosurender

Nanawagan ang taas nga opisyal sa 4^th Infantry Division Philippine Army ngadto sa mga opisyal ug mga miyembro sa New Peoples Army kon NPA nga mokanaog sa kabukiran ug mosurender sa gobyerno.

Matud ni si Army Brigadier General Tyne Bañas nga Assistant Division Chief sa 4^th Infantry Division Philippine Army nga sulod sa 50 ka tuig nga pakig-away sa mga NPA sa gobyerno walay ilang nakab-ot nga kaayohan sa ilang kinabuhi.

Gibutyag ni Bañas nga andam ang gobyerno pagdawat sa mga rebeldeng NPA sa oras nga mobalik na sila sa landong sa pangagamhanan.