Davao City – Gipahimutang karon sa City Social Services Development Office (CSSDO) sa Brgy. Hall sa Brgy. 5-A, Davao City ang mga nabiktima sa sunog sa Purok 2 Bryco sa maong barangay isip temporaryo nilang kapuy-an.
Sa interbyu sa DXDC RMN Davao kang Minda Silvano, Social Welfare Assistant sa CSSDO, gibutyag niini nga nagpahigayon sila og listing sa mga biktima aron gilayon kining mahatagan sa ilang nag-unang panginahanglan.
“Nag interview ang mga social workers. Nagakuha sila’g data para atoang gamiton, preparation pa-release sa atong food assistance ug uban pang assistance nga atong mahatag sa atong mga fire victims,” saysay ni Silvano.
Unang gipaabot nga tabang mao ang pagkaon pinaagi sa CSSDO emergency mobile kitchen alang sa mga biktima.
RadyoMaN Kirby Manzon
