Davao City – Gipasalig karon sa Kasuga National High School sa Magsaysay, Davao del Sur nga tabangan ang pamilya sa ilang namatay nga estudyante human sa 6.6 magnitude nga linog.
Sa interbyu sa DXDC RMN Davao kang Mercidita Mancao, iyaan sa biktimang grade 9 student nga si Jessyryl Farva, gibutyag niini nga gipaniguro sa maong tulunghaan nga sila tabangan sa ilang mga galastuhon.
“Diri tong maestro nga sila daw bahala sa katunga sa gastuhon. Naa pud syay gibayran diri, personal niya nga kwarta,” saysay sa iyaan sa biktima.
Saysay niini nga pagawas na unta ang iyang pag-umangkon apan naabtan kini sa nahugmak nga bahin sa bag-ong gitukod nga building sa eskwelahan diin naigo ang ulo sa biktima rason sa iyang kamatayon.
RadyoMaN Kirby Manzon
Facebook Comments
