TACLOBAN CITY – Gin appoint ni Mayor Cristina Romualdez an lima nga personalidad nga malingkod kumo Board of Directors ha Leyte Metropolitan Water District o kun LMWD.
Ha atubangan han alkalde nanumpa kumo bag-o nga directors han lmwd hira Engineer Bobby Munoz, Atty. Jenny lyn Polistico Manibay, City Information Head Bering Valenzuela, Atty. Sharalee Gaspay Mauro ngan Atty. Butch Corpin.
Ha eksklusibo nga interview han RMN News team kan Tacloban City Information Head Bering Valenzuela, 75% nga magmamanage han water district in dapat daw an syudad.
“Mayada hadto Presidential Degree nga an City 75%will be the one who managed the water district.”
Dida han mga nakalabay nga semana nagpadara hin surat hi Mayor Cristina Romualdez kan Presidente Rodrigo Duterte nga igbalik ha syudad an full control han LMWD.
Tungod hini sumala han alkalde nga masosolusyunan na an problema ha kakulangan hiton tubig partikular na ha Northern Barangay han syudad.
Pero ha pagka yana, mayada la gihapon katungod an Leyte Provincial Government pagmanage han LMWD.
