Patay ang isa ka babayi matapos nga ini siya ang ginbuno sang duha ka mga trabahante sa kampo bangud gid lamang wala ini sila ginbaligyaan sang makahulubog nga ilimnon (whisky) las 7 sang kaggab-I, June 7 sa Had. Vista 1, Brgy. Matab-ang, Talisay City.
Suno sa blotter ang biktima ginkilala kay Evelyn Tamayo, 50 anyos, single samtang ang mga suspek naman nakilala nga sanday Jason Abella, 21 anyos, soltero kag ang iya kaupod nga nakilala lang kay Robert, tanan pumuluyo sang amo nga lugar.
Base sa imbestigasyon sang Talisay City Police Station, nagkadto sa tiyangge sang biktima ang duha ka suspek agud magbakal sang ilimnon apesar nga ini sila ang naka-inom ukon hubog na gani wala na sila ginbaligyaan pa.
Bangud sini (suno sa pa imbestigasyon) naakig ang mga suspek gani ila ginbuno ang biktima gamit ang patalum kag naigo ini sa liog nga amo ang gintunaan sang iya kamatayon samtang gilayon naman nga nagpalagyo ang mga suspek.
[image: image.png]
