Report ni: Jennifer Palomo Debaja
Padayon nga ginapangita si Genelyn Gaang, 39 anyos sang Libertad, Antique matapos nalagyo ini paagi sa paglumpat sa bintana sang accomodation sa iya agency sa Kuwait.
Nagpanawagan na sa publiko ang embahada sa Kuwait sa kon sin-o man nga may impormasyon o nakakita sa Pinay ipahibalo nila sa gilayon sa embahada para siya mabuligan.
Nahibaluan nga gindeploy ang Pinay sang Oktubre 16, 2018 kag 16 lang ka adlaw nga nag obra sa iya employer.
Suno sa ahente sang Pinay, gintinguhaan pa kontani pangitaan sang bag-o nga maobrahan apang nalagyo ini paagi sa paglumpat sa bintana antis paman dal-on sa Saudi sa ikaduwa nga amo.
Nadiskubrehan ang una sini nga tuyo sa pagpalagyo apang sang Nobyembre 26, 2018 nagmadinalag-on gid ini nga makahalin sa poder sang agency.
Sa karon, naga kabalaka na ang pamilya ni Genelyn sa Antique, apat kabulan na ini nga wala makakontak sa ila rason nga naga apelar gid sila sa kon sin-o man ang nakakita o naka sapupo sa ila himata nga kon mahimo idul-ong ini sa embahada sang Pilipinas sa Kuwait.
