MOISES PADILLA – Nasapwan nga nagapaligo sa iya kaugalingon nga dugo kag patay na si Antolin “Jong-Jong” Patolongo sang Sitio Muhon, Brgy. Tutay, Pinamungahan,syudad sang Cebu.
Basi sa inbestigasyon sang Moises Padilla Municipal Police Station, si Patolongo ang nagalibod sang flashlight kag radyo sa Brgy. Quintin Remo, banwa sang Moises Padilla, apang nasapwan na gid lamang ini nga puno sang dugo nga nagahigda sa kilid sang kampo ni Banny Bastida nga nakalabay sa lugar kag gilayon ini nga nagpahibalo sa kapulisan.
Ginabulubanta nga ini ginluthang mga alas 3 sang hapon sang Marso 3 sang wala makilal-an nga mga persona.
Duha naman ka basiyo sang .45 kalibre nga armas ang nakit-an sa lugar sang kremin kag tubtob subong wala pa nahibaluan kun ano ang motibo sa pagluthang kag pagpatay sa biktima.
Samtang isa naman ka autopsy ang pagapatigayunon sa bangkay agud mahibaluan kun pila kaigo kag kun ano ang gintunaan sang iya kamatayon.
