BACOLOD CITY – Customer ginpa-blotter sang isa ka inn sa Brgy. Villamonte bangud nga ini ang naglakat gid lamang nga wala nakabayad sang iya bill sa halos duha ka bulan nga pag-tiner diri.
Nagpadulong sa Police Station 4 kahapon sang aga ang representante sang ang amo nga Inn nga nahamtang sa Helvetia Heights, Brgy. Villamonte, Bacolod City agud ipa-blotter ang isa sang ila sini customer nga wala nakabayad sang iya bill.
Suno sa reklamo sang representative, July 19, 2018 sang nag check-in ang amo nga customer nga babayi nga taga banwa sang Murcia sa ila establishment.
Apang sadtong September 30, 2018 ila na notisyahan nga naglakat ang amo nga babayi kag sang ila gin-check ang CCTV nakita nga bitbit na niya sini ang iya mga kagamitan.
Humalin sadto wala na nakabalik ang customer gani napilitan na lamang sila nga ini ang i-report sa police.
Nahibaluan nga nagdangat sa kapin P25,406 pesos ang total bill sang customer sa halos duha ka bulan niya nga pagtiner sa amo nga Inn./dyHB BACOLOD
